ad3

الثلاثاء، 1 يونيو، 2010

تنميه قدرات طفلي متلازمه داون بالمنزل

الدراجه
تبداء اللعب الحركي مع الطفل بعده اشكال للدراجه دراجه الدفع بكلتا اليدين وهو شبه متكاء بجسمه فوقها
وسياره الدفع عبر الايدي وهو واقف
ثم ال3 عجلات وركوبها كلها تمارين حركيه ولكن يجب التمكن منها مع طفلك بعد الاتقان بعده اشكال ارسمي له اتجاهات بالارض للسير فوقها بالدراجه ليتعلم تتبع الاوامر كالصور
r.
رسم دائرة كبيرة وطفلك يمشي فوق الخط)
رسم عده داوئر علي الارض واطلبي من طفلك القفز بداخله)
ثم رقمي الدوائر واطلبي منه ان ينط دائر الدائرة رقم.
)جهزي وعاء به ارز وفرغي بداخله مجموعه الحروف والارقام الفلين واجعلي طفلك يلتقطها ويرصها بمكانها
p.
ا
1-احضري لوح خشبي دائري او مربع ودقي عليه مجموعه مسامير حول الاطراف وعبر الاستيك المطاطي المتعدد الالوان نمي يد طفلك بتكوين اشكال هندسيه!وايضا معرفه الالوان والاشكال اعبة 2

احضري قطع من الاسفنج



ممكن المستعمل في المطبخ بس تكون جديدة قصيها بالطول وياريت يكون ملون وضعيه في طبق بلاستيك غويط مع ميه ونقطة ديتول الشخصي للتعقيم



وابتدى وريه انه يمسك قطعة الاسفنج ويغرقها بالماء ويعصرها بايديه الاتنين



اللعبة دى بتعلم الطفل ازاى يعصر ودة بيخليه يستعمل عضلات ايديه ويتعرف على حواسه



وممكن يلعبها وقت الاستحمام في البانيو



لعبة 3



نفس الادوات السابقة الاسفنج والماء والطبق وكمان طبق صغير وعصارة ليمون زي دى



طفلك من سن 2 الى 3 سنين كيف تشغلين وقته طول اليوم



لو موجودة



وتخلى الطفل يضع الاسفنجة المبللة في مكان الليمون ويضغط باليدين معا ليعصر الماء وبعدين ياخذ الاسفنج المعصور ويضعه في الطبق الصغير الى ان ينتهى الاسفنج ويعيدها تانى وهكذا



دى كمان بتعلم الطفل يستخدم ايديه بطريقة مختلفة



عشان يقدر يكتب بعد كدة



جربتهم مع ابنى وعجبوه



بس طبعا خليكى مع الطفل وهو بيلعب عشان ماياكلش الاسفنج او يبلع الماء




لعبة 4
لعبة صب الماء



ضعى كوبين من البلاستيك في صينية



وضعى ماء في احد الكوبين الى النصف او اقل



اطلبى من طفلك ان يمسك الكوب المليان بكلتا يديه ويصب الماء في الكوب الفاضي ولكن بدون ما يقع ماء في الصينية بس لو وقع مش مشكلة المهم انه يحاول ويرجع يعيد مع الكوب التانى الى ان يمل




لعبة 5
لعبة الملعقة



طبقين من البلاستيك ضعي في احداهما قطع اسفنج صغيرة واطلبى من الطفل ان يضع بالملعقة كل قطعة اسفنج في الطبق الثانى
الهدف انه يتعلم التحكم في الملعقة ونقل الاشياء بها



نفس اللعبة ممكن باستخدام نوع من المكرونة الصغيرة وهى غير مطبوخة طبعا



لعبة 6
لعبة المكرونة



طبقين بلاستيك و واحد منهم مليان مكرونة غير مطبوخة الصغيرة او للفرن واطلبي من الطفل يكبش بايده كبشة صغيرة مكرونة ويضعها في الطبق التانى



الهدف يتحكم في ايده ويتعلم يمسك مجموعة اشياء صغيرة بايده



كل الالعاب منقولة من على النت من مواقع تعليم ال PRESCHOOL



وبعضهم شفته فيديو على اليوتيوب



لعبة 7



لعبة تنظيف الطاولة



شوفي اى طاولة صغيرة عندك واحضري قليل من الصابون السائل المستعمل لغسل الايادى واسفنجة صغيرة نظيفة وطبق بلاستيك به ماء



ضعي على يد طفلك القليل من الصابون وانتى كذلك وابدئى بدعك الطاولة بيدك وطبعا هو على طول هايقلدك وعارفين ان الاطفال بيحبوا يلعبوا بايديهم ويوسخوا ايديهم كتير



ثم دعيه ينظف الصابون بالاسفنجة وكلما اتسخت يبلها في الماء ويعصرها ويكمل التنظيف وعلميه ينظف الجوانب كمان مش بس السطح



بعد كدة هتلاقيهم على طول عايزين ينظفوا معاكى في البيت



وبعدكدة يغسل ايديه طبعا



لعبة 8



لعبة الكنس



احضري فرشاة مع جاروف جديد لم يستعمل وخليه فقط للعب مع طفلك واختارى لون من الالوان الزاهية اخضر او احمر .... الخ



حددي بقعة ما بجانب الغرفة والزقي بشريط لاصق عريض على شكل مربع



يعني عشان تحددى المنطقة اللى يكنس فيها



هاتى صندوق به بعض الازرار او الكور الصغيرة او اى اجزاء صغيرة من العابه



اسكبي من الصندوق الازرار على الارض على المربع المحدد



اطلبى منه انه يلم ما وقع على الارض بالفرشاة الى داخل الجاروف



ثم بعد ان ينتهى يضع مافى الجاروف داخل الصندوق او العلبة



وهكذا



طبعا هيتحمسوا لانهم بيحسوا انهم كبار



بس الام لازم تكون حاضرة عشان ما يبلع الازرار او القطع الصغيرة



لعبة 9



الرسم على الحائط



هاتى من المكتبة ورق عريض زى اللى بيتعمل منه لوحات



الزقى الورق على حيطان غرفته او المعيشة يعنى المكان اللى بيلعب فيه الطفل



بحيث يكون الورق واصل اعلى من طول الطفل نفسه عشان يكتب على الورق ومايوصلش للحائط



هاتى له الوان اللى ممكن غسلها (موجودة في مركز التعليم المبكر)
زى كدة





وبكدا بقى عنده سبورة يكتب ويشخبط على كيفه وغيري الورق كل ما احتاج



وكل فترة اعملى له معرض فنى اعرضي فيه كل لوحاته



لعبة 10



الرسم بالايدي



اللعبة دى ممتعة تلعبيها انتى وطفلك والاب ممكن يشترك معاكم او اخواته او اصدقاءه



ايضا ورق لوحات



مجموعة الوان سائلة يمكن غسلها (موجودة ايضا في مركز التعليم المبكر )



زى كدة





وصينية صغيرة لصب الالوان بها



يضع الطفل يديه في الالوان ويطبع على الورق ويرسم بايده زى ما يحب و ممكن تكتبي مثلا حروف اسمه واسمك وتوريه شكلهم ازاى وتخليه يكتب زيك



وكمان وريه لما تخلطى لون على لون تانى انه بيطلع لون جديد وعلميه اسماء الالوان



اللعبة دي شفتها في سوبر نانى



Have fun




لعبة 11



عمل عقود من الخرز



المطلوب رباط حذاء يكون نظيف ومغسول
زي كدة






او شريط ستان بالوان مختلفة واربطى الاطراف بسوليتيب عشان يسهل على الطفل ادخال الخرز



اختارى ازرار كبيرة او خرز كبير او في مكعبات من الخشب بتكون مخرومة من الوسط
واطلبى من الطفل انه يدخل الخرز في رباط الحذاء او الشريط واحدة بواحدة



وبعدين اربطى الشريط



وممكن عمل عقود او انسيالات



وطبعا البنات هيحبوا اللعبة دى اكتر وممكن يلبسوها بعد ما يخلصوا



شوفوا نفس فكرة اللعبة دى موجودة في مركز التعليم المبكر





ممكن اذا اشتريتوا اللعبة تستخدمى الاشكال الخشب في العاب تانية لانها مرسوم عليها اشياء وممكن تعرفي الطفل اسماءها وهكذا



لعبة 12



لعبة كيس الفول




هاتى كيس من القماش وامليه فول ناشف واقفليه كويس يكون صغير على شكل مستطيل



وابدئي ارميه لطفلك وهو يرميه ناحيتك وتحاولى تمسكيه وبعدين ممكن تضعه على راسك او بطنك او ركبتك وهكذا وتعرفيه اسماء اجزاء الجسم بهذه الحركة



ثم احضري طبق بلاستيك كبير وخلى الطفل يقف بعيد قليلا عنه ثم يلقي الكيس في اتجاه الطبق حتى يسقط بداخله
لعبة 13



لعبة ايجاد الشكل المشابه



وهى اللعبة المشهورة match it في لعب جاهزة في محلات اللعب بنفس الفكرة






لكن ممكن نعملها في البيت تطبعى من على النت



مجموعة من الصور مثلا فواكه او حروف او صور مختلفة بحيث من كل صورة 2 ونقلب الصورة بحيث لا يراها الطفل ونلخبطهم وبعدين نكشف صورة ونطلب منه يجد الصورة المشابهة لها وكل صورة تنكشف يضعها مع مثيلتها الى ان ينتهى



لعبة 14



ما الشئ الناقص؟



المطلوب
لعبةزى دى وموجودة كتير في محلات اللعب وامنة بالنسبة للطفل وممكن نلعب بيها حاجات كتير






تاخدى مربع ومستطيل ومثلث ودائرة كل واحدة بلون مختلف وتضعيهم امامه و بعد مايشوفهم تقولى اغمضوا عيونكم
وتاخدى شكل من الاشكال وتساليهم ايه الشئ الناقص؟



ودى من العاب الذاكرة وبتساعد على التركيز وقوة الملاحظة



لعبة 15



نفس اللعبة السابقة بس المرة دى هنجيب كيس قماش بحيث ان الطفل ما يقدرش يشوف اللى بالداخل



ونختار من كل شكل شكل تانى مشابه له بالضبط ونفس اللون



ونخلى الاشكال في الكيس و المشابهة لها امام الطفل ونطلب منه يدخل ايده في الكيس ويطلع الدائرة مثلا او المربع ...الخ



طبعا ممكن ما يفهم يعنى ايه دائرة او مربع لذلك شاورى للطفل على الشكل اللى بتطلبي منه يطلعه و شجعيه لما يطلع صح ولو طلع غلط مش مشكلة قولى له مثلا ان الشكل دةاللى طلعه يشبه كذا وانت كدة صح بس انا عايزة انك تطلع الشكل دة فيحاول تانى



وعرفيه اسماء الاشكال والوانهم



ودة بينمى حواس اللمس والنظر عنده وارتباطهم ببعض



لعبة16



هاتى من العاب الطفل الموجودة مثلا قطة , حصان , اسد , قمر , شمس اى اشكال موجودة عندك بس يكونوا بس 4 او 5 اشياء
وضعيهم في سلة وهاتى صور لنفس الاشياء



وزعى الصور امامه واطلبي منه يطلع القطة مثلا من السلة وطبعا تشيري على صورة القطة عشان يعرفها



وهى تشبه لعبة ايجاد المثيل بس بطريقة مختلفة



لعبة 17



في مرحلة بيوصل الطفل انه بيعرف يتكلم وبيعرف اسماء الاشياء لكن ما بيعرف يكتب ولا بيعرف شكل الكتابة



عشان نعلمه الحروف ماينفعش نقول ا ب ت ث .... الخ وبس




لا لما نعلمه الحرف بنعلمه صوت الحرف يعني هاتى صورة حرف الالف او الباء او غيره لكن ماتقوليش باء قولى با يعني زي ما بننطق




حرف الميم يبقى مممم




ونفس الشئ في حروف الانجليزي مثلا حرف c مانقولش سي لا نقول كا زي كلمة cat



يبقى cat يعني قطة بالحروف واحدة واحدة كا اا ت يعنى تقولى له حرف حرف




اللعبة بقى اننا نجيب صور الحروف عربي او انجليزي



وخلى الطفل يشوف الحرف زي C مثلا وتقولى له KAH



وبعدين حرف A وتقولى AEI



وحرف T وتقولى T



يعني CAT وتضعي الحروف جنب بعض




فيبدا الطفل يربط بين الكلمة اللى هو عرفها من قبل وشكل الحروف اللى امامه



وهكذا في كل الكلمات وحاولى تجيبي الكلمات اللى على نفس الوزن اولا عشان ما يكونش الموضوع معقد




وفي العاب ممكن تساعد على اللعبة دى وهى



الحروف الممغنطة وبتيجي معاها اللوح بتاعها زي دى



او ببساطة مكعبات خشب او عادية مرسوم عليها الحروف زي كدة



عشان بس تكون اللعبة مشوقة مش مملة



واعتقد اللعبة دى تنفع اكتر للى قربوا يدخلوا المدرسة



وفي كل مرة لاتضعى كتير من الحروف فقط 3 او 4 حروف وحاولوا تشوفوا الكلمات اللى ممكن تطلع من الحروف دى
عشان ما يتعقدش الطفل وعشان يركز في الكلمات



وحاولوا تكون الكلمات من 3 حروف بس عشان تبقى سهلة



لسة في العاب كمان بس اكمل وقت تانى





بنات اللى عايزة تنقل ممكن تنقل بس تذكر المصدر لانهم من مجهودى الشخصي انا جبتهم من النت لكن الشرح والصور انا اللى كتباه بنفسي



يارب اكون افدتكم بحاجة



لعبة 18




احضري مجموعة من لعب الطفل كرة او حيوانات وسيارة حوالى اربع لعب يكون الطفل عارف اسمائهم



وهاتى الحروف اللى بتبدا بيها اسماء اللعب



وقولى انا بفكر بلعبة بتبدا بحرف ك مثلا



ومرري صورة الحرف على كل اللعب وكرري الحرف



فهو يقول كرة



اذا لم يعرف ثبتى الحرف عند اللعبة الصح شوية لحد ما يقول



وهكذا في كل الباقي وفي الاخر رددى صوت الحرف واسم اللعبة



لعبة 19



لعبة تطابق الالوان



هاتى مجموعة من الاشياء في البيت او من لعب الطفل مكعبات ملونة مثلا وتكون بالالوان الاساسية فقط



احمر



ازرق



اصفر



مكعبين من كل لون



وضعيهم بشكل عشوائي واختارى واحد واطلبى منه يطلع نفس اللون



يعني الاصفر مع الاصفر و هكذا



حتى يتعلم تمييز الالوان و اسمائهم




لعبة 20



الخشن والناعم



قطع من الخشب مختلفة الملمس يعني ناعم جدا واخشن قليلا وخشن جدا





كل اتنين شبه بعض وخلى الطفل يلمس كل واحدة الى ان يجد المتشابه مع بعض وبعد ما تنتهوا افهميه ان هذا انعم واحد
وهذا اخشن واحد وهذا الوسط



هى للاطفال الاكبر شوي يعني اللى بالمدرسة لكن لا يمنع اننا نلعبها مع الصغار مجرد انه يلمس الاخشاب يشعر بحاسته الاختلاف في اللمس وطبعا هيفهم انه مختلف




لعبة 21
تطابق الاقمشة



نفس فكرة اللعبة اللى قبلها لكن بالقماش



هاتى اى قماش باقي عندك بس يكون انواع مختلفة الملمس
مثلا فرو حرير قطن صوف كتان قماش خشن مثل الخيش مثلا



وقصيه دوائر مثلا او اوى شكل



وهاتى كرتون او ورق مقوى وقصيه بنفس الشكل والزقي القماش على الكرتون طبعا من كل قماشة اتنين



وبيطلع عندك قطع



حطيهم في باسكت والعبي مع طفلك طلعي واحدة وابدئي طلعى من الباسكت واحدة واحدة الى ان يتطابق مع القماش اللى طلعتيه وطبعا خليه يلمسه ويعرف انه ناعم او خشن



بعد ما تخلصوا وتطلعوهم كلهم



ابدئي اشرحي هذا القماش انعم واحد وهذا اخشن منه وهذا الاخشن وهكذا



لعبة 22



لعبة تطابق الصوت



احضري مجموعة من الملاحات المستخدمة للملح والفلفل
او برطمانات صغيرة يفضل البلاستيك غير الشفاف




كل 2 برطمان نضع فيهم مادة واحدة مثلا ارز



2 اخرين نضع حبات فول ناشف



2 اخرين نضع مكرونة ناشفة او اى شئ اخر ممكن خرز او من لعب الطفل



المهم ان الاختلاف في الصوت يكون واضح عشان يقدر الطفل يميزه



وناخد واحدة ونرجها عشان نسمع الصوت ونحاول نسمع الباقين الى ان نطلع المتشابهة معها



وهكذا حتى ننتهى



وهذة اللعبة تنمى حاسة السمع وتعلمه التمييز بين الاصوات



لعبة 23



لعبة صوت او لا صوت



نفس اللعبة السابقة لكن نخلى 2 برطمان فيهم اى مادة نفضلها تعمل صوت
و2 برطمان بدون اى شئ داخلهم



ونلخبطهم



وناخد واحدة نرجها ونسمع في صوت او لا ونقول مثلا مافي صوت وضعيها على جنب



وناخد واحدة تانية ونرجها اذا ما فيها صوت بتكون مع الاولى
واذا لا نضعها وحدها ونسمع الباقين وهكذا اللى بصوت مع بعض واللى من غير صوت مع بعض




للاطفال الاكبر سنا يعني اللى بيعرفوا يقرأوا



نكتب ورقتين بخط واضح



واحدة نكتب عليها صوت



والثانية لا صوت



ونطلب منه يضع اللى فيها صوت عند لوحتها والثانية نفس الشئ



لعبة 24



لعبة حاسة الشم




طقم ملاحات الملح والفلفل الصغار او اللى موجودين عندك



نضع في كل اتنين من الملاحات
مجموعة من القطن المدور الصغير والقطن يكون مشبع برائحة ما ويفضل تكون اشياء طبيعية مثلا فانيليا



و2 ملاحات تانيين نضع فيهم قطن بريحة القرفة مثلا



و2 تانيين عطراطفال او زيت عطرى يعني اى رائحة مميزة وقوية يسهل على الطفل تمييزها بس انتبهى تكون قوية زيادة وتتعبه



نقسم الملاحات



كل رائحة على حدة



ونمسك واحدة ونشم ونخليه يشمها



وناخد واحدة من الناحية التانية ونشمها الى ان نطلع نفس الرائحة



ونقول ان هذه رائحة فانيليا وهذه رائحة كذا وكذا

لعبة 25



لعبة اكمال النص الناقص



في محلات لعب الاطفال او المكتبات في نوع من البازل يكون حيوانات مثلا وصورة الحيوان نفسه مقسمة اتنين



مثل هذا





نفرش مفرش او بساط على الارض او على طاولة صغيرة



ونضع نص الشكل ونترك جنبه مسافة وبعدين نص شكل تانى لحيوان اخر ونترك جنبه فاضي وهكذا



حوالى اربع حيوانات مثلا



وبعدين ناخد الجزء التانى من اى حيوان ونمرره جنب الباقيين عشان يشوف الطفل ويلاحظ اى جزء هو اللى بيكمله ولما نلاقي الجزء اللى بيكمله نركبهم مع بعض وهكذا باقي الاشكال



وممكن نمدد اللعبة بان نذكر اسم الحيوان وصوته واكله وممكن نحكى قصة عنه وهكذا اى شئ يخطر على بالك



لعبة 26



لعبة الاوزان



نحضر مجموعة من الاشياء باوزان مختلفة يعني خفيف اثقل قليلا والاثقل منها وهكذا



في مجموعة الواح بتكون باوزان مختلفة بهذا الشكل





لو مش عندك استعيني باى اشياء في البيت



كرات مثلا مختلفة الوزن قطع خشب قطع من الحجارة يعني مش لازم اشترى اللعبة عشان العب مع ابنى



وطبعا نفس الفكرة اتنين من كل واحدة



وناخد واحدة ثقيلة في يد وواحدة خفيفة في اليد التانية ونمسك واحدة تانية الى ان نصل الى اللى وزنهم زى بعض وما تتكلمى كتير في هذه اللعبة خليه يلاحظ بنفسهوطبعا يلمس ويجرب الوزن بنفسه



لعبة 27



لعبة تطابق الرائحة مع الشكل



المطلوب



لعبة الفواكه او فواكه حقيقة ودى الاسهل والاحسن طبعا لكن اذا كانت اللعبة موجودة نستعملها بتكون ممتعة اكتر





ومجموعة من الملاحات زى ما ذكرنا في العاب سابقة



ونضع داخل الملاحة قطن مدور مشبع بريحة فاكهة معينة واحدة بالموز واحدة بالتفاح واحدة بالفراولة واحدة بالبرتقال
وهذه الروائح ممكن تجيبي روح الفواكه اللى بيكون في قسم الكيك بيستعمل للحلويات



و تجيبي الفاكهة ترصيها صف ونبدا نشم ملاحة ملاحة ونخلى الطفل يشم طبعا وهو يذكر هذه رائحة برتقال نضعها جنب البرتقالة
التفاح جنب التفاحة وهكذا



وممكن يشم البرتقال الحقيقي ويقارن ريحته بريحة الملاحة من نفس الرائحة



فاكرين اللعبة دى



الجزء التانى منها وهنا صورة اللعبة عشان افكركم





لعبة 28



تطابق ما فيى الكيس



بعد ما لعبنا اللعبة اللى فوق ندخل كل القطع في الكيس واطلب من طفلى انه يدخل ايده في الكيس يطلع شكلين متشابهين



طبعا هنا بنعتمد على حاسة اللمس فقط بيدخل يده في الكيس ويلمس دائرة مثلا فيطلع بيده الدائرة التانية ويطلع لى الاتنين في ايده وهكذا



لعبة 29



تعليم الحروف بالرمل



ممكن نعلم الحروف بطريقة ممتعة شوية



نجيب صينية بلاستيك



ولتكن مثل كدة





ونملاها تانج اللى بنشربه بس طبعا الحبيبات بس



لانه الرمل مش دايما متوفر



ممكن شاى ناعم مثلا وهكذا طلعى افكارك



الفكرة انك تخلى التانج يغطى الصينية
وباصبعك تكتبي اول حرف من اسم ابنك وتنطقيه وهو ممكن يقلدك



وبعدين تهزى الصينية بشويش فيتمسح الحرف المكتوب وترجعى تكتبي شئ تانى حرف من اسمك او اسم ابوه او اخوه



والاطفال اللى في مدرسة اكيد هتعجبهم



وممكن نتعلم الارقام بنفس الطريقة



واستمتعى بامومتك



لعبة 30



تطابق الاسم مع الصورة



في اللعبة دى هنعلم الطفل الاسماء



احضري صور لكل افراد المنزل كل فرد صورة



واكتبي الاسماء في ورق زي البطاقات



رصي الصور جنب بعض



وابدئي طلعي الاسماء وقولى الاسم وخلى طفلك يشير للصورة او لو بيعرف يقرا هو يضع البطاقة تحت صورتها




لعبة 31



لعبة الصمت



في اللعبة دى



هنكتب كلمة هدوءعلى ورقة ونضعها امامه



ونطلب من الطفل انه يجلس صامت ويغمض عينيه



وممكن نضبط منبه مثلا على وقت معين لكن ممكن تتركيه على راحته يجلس في هدوء الوقت اللى يحبه



بعدها ممكن نغمي عينيه بقماشة



ونطلب منه يذكر اى صوت يسمعه نرن الجرس مثلا او لو سيارة معدية او صوت عصافير او اى لعبة عنده ليها صوت نشغله ونخليه يذكر ماهو هذا الصوت او ماذا يسمع






ليست هناك تعليقات: